OnePlus X 香港區快閃日我報咗名，不過當日搞搞下終於冇去買。之後收到個 invite 我都冇入手，將個 invite 過俾一位老友，掂知個 invite 係要跟人嘅，於是幫佢代購，代購嘅報酬就係有份開箱，有份開箱就有哩個開箱 report。;-)
掂解唔買？
有啲 specs 過唔倒自己囉！
- 冇 NFC 又冇指紋掃瞄，冇得玩 mobile payment，不過，我對哩個俾錢方法嘅安全性仲係有些少保留，冇所謂，都未算係 showstopper。
- 唔支持 802.11 ac WiFi，雖然有 b/g/n，802.11g 已經係舊傳統嘅 54Mbps，802.11n 都好啲，有 450Mbps，不過黃金商場都叫人買 802.11ac 啦，有 1300Mbps 啵，仲有，依家光纖入屋，人人都換咗 802.11ac router 喇，有 router 但係隻手機唔支持，蜑家雞見水。:-(
- CPU 雖然係 Snapdragon 801 不過就跑得慢啲，得 2.3GHz，粒 GPU 就用 Qualcomm Adreno 330，打機就嘛嘛哋，上一代嘅配搭，有啲縮皮嘅感覺囉。我又唔打機，咁都算缺點？
- 隻 camera 就係重點，laser focus 0.2 秒，好快，不過最佳效果距離得 40cm，有咩實際用途呢？前面係 8MP f/2.4，背面係 13MP f/2.2，採用 Samsung ISOCELL sensor，再加上國產 camera 軟件，哎，光學防抖震都冇，唔達標！
- 雙 SIM，不過第二個 SIM 係 SD Card / SIM 二揀一，唔夠大方，唯有當 SD 用，可以上 128GB，咁就好勁，可以加分，但係，當 SIM 就 :-?
掂解又想買？
隻機價位夠正（港幣＄1,859），外觀好靚仔囉（產品設計，有心有力）！雖然已經好超值，不過我想等下，寶物尋歸底，而且，沒有最平，衹有更平。仲有，哩點好重要，OnePlus 出咗名冇售後，今日新聞仲話佢要執哂啲體驗店，咁咪有起事嚟搵都搵唔到？
睇圖：
留意右上角同右下角，順豐速遞都搞成咁！
Zoom 近啲俾你睇。
反轉，盒底，鮮紅色內盒。
右側，有 OnePlus X 字樣。
唔夠清楚，再嚟一張，見唔見，唔係印刷字，係壓出嚟嘅字同埋花紋，有高級剛古紙（Conqueror Paper）嘅感覺。唔係我咁叻，我係問印刷家族成員 Arron 嘅，專家答案。
攞走隻外盒，成部 OnePlus X 突然出現喺眼前！
原來係有個特別設計嘅皇座放隻 OnePlus X 嘅，上下都有隻膠片剛好固定部機，好特出，有心思！不過，總有不同意見，隻機直接同個盒蓋接觸，冇啲保護措施，今次咪差啲中招！
順豐嗰一跌就做成嘅破壞，好彩部機冇事，一上一下都爆咗！
拎走部機，皇座下面係 SIM 卡槽 pin 同埋一隻全透明外殼（一陣先睇）。
拎走個皇座出現份說明書。
拎走說明書就係 USB 線同 charger。
隻 charger 係 5V 2A，咁大隻，又唔係快充，祇能說是 “真材實料”。
USB 接頭配哂色，使唔使咁絕配？當正係藝術品咁嚟搞！兩張相，同一地點，差唔多同一時間，顏色差咁多嘅？係我用嚟影相嗰部手機嘅問題，iPhone 4S，壞壞哋。
剛才講過，皇座入面裝嘅係支 pin 同隻全透明外殼，你見到白色嘅係發泡膠，冇用嘅，填充物，惊住隻外殼變形啫。
透明外殼真身，質地唔係硬膠，係軟嘅，部機加咗哩隻殼就一啲都唔跣手，不過部機咁靚，我就一於裸奔，咩都唔加。
睇番部機，機底，唔好誤會有左右兩隻 speaker，假嘅，一邊有，另一邊係裝飾吧，該不會是通風口？
右上角
上面
左上角
東南西北走一回，清楚睇見個 2.5D 玻璃鏡面，係咪好靚呢？
哩張相見到嘅 OnePlus X 同 NEVER SETTLE 係新機張保護膠片嘅印刷，開完箱就應該揼得。
左邊粒掣，有鑽石形嘅花紋，有三段選擇，上中下，功能分別係: 有 notifications，重要 notifications，同埋冇 notification，三種，方便經常要開會嘅人士。其實我都好怕喺公眾地方聽到大大聲嘅 WhatsApp notification 聲，簡直係討厭！
右邊嘅 SIM 卡槽，是直紋的，跟機身的坑紋配合，Never Settle 又一實例。
開機後嘅畫面 （仲未掀開張保護膠片）。
掀開張面沙，已經有貼保護貼，不過，都係嗰句，裸奔最靚仔。順便講多句，唔好用玻璃貼，玻璃貼有厚度，會破壞 2.5D 嘅美觀。
AMOLED 屏，黑色部份非常之深黑！
搵埋 OnePlus X 白色機一齊拍番張照片。白色版嘅實體按鍵係紅色嘅，黑色版就係灰色，我就覺得黑仔嘅設計視覺效果更好！
白色 OnePlus X 用金邊，各有各精彩。
白色 OnePlus X AMOLED 屏，跟一般的手機嘅 IPS 屏，的比較，雖然張圖倒掛咗，不過不難睇得出左邊嘅 IPS 屏啲顏色好似洗得水多咁，有啲退色。