Visual Studio source control 除咗可以用 Microsoft 自己嘅 Team Foundation client 之外，亦可以用 Microsoft Git Provider，以前我一直係 Team Foundation Server 嘅粉絲，自從 TFS 2008 之後我就改用 BitBucket，不過，Microsoft 佢個 Microsoft Git Provider 就好雞嘅，我一直都係用 Git Source Control Provider，Microsoft 就唔死心，時不時出嚟搞破壞，有親 service pack 就會將你安裝咗嘅 3rd party Git Provider 鏟走，迫你用佢隻 Microsoft Git Provider。
加埋 Windows 10 失驚無神又幫你做 Windows Update，你都唔知佢幾時會整蠱你，噙日我寫開嘅 project 就無端端變咗冇用 Source Control，好彩重新安裝個 plug-in 就咩都返哂嚟，諗下諗下，都係寫低個安裝步驟穩陣啲。
我部機係 Windows 10，Git program 我用 Git Extensions：
詳情去官網睇：git-extensions
安裝咗之後，你個 Windows File Explorer right click 會多啲選擇：
接落嚟就要搞 Visual Studio，我用 VS2015，要安裝哩個 plug-in：
都係嗰句，詳情去官網睇：Git Source Control Provider 2015
開咗 VS2015，Tools > Extensions and Updates：
喺 Online 搵 Git Source Control Provider 2015 安裝：
再去 Tools > Options > Source Control 選 Git Source Control Provider：
以前試過，見到 Git Source Control Provider 不過就選唔倒嘅， Microsoft 從中作梗，跟著原作者出新 patch 就冇事。
好，login 你個 GitHub account，create 你今次想用嘅 project 名，然後喺右邊綠色嘅 button，copy 條 link 去 clipboard 用：
準備好，可以喺 VS2015 open 你個 project，project 嘅右下方有個 Publish button，click 佢，選 Git Source Control Provider：
自動生成 Git 相關嘅 .gitignore 檔案：
俾你知道嗜，唔使 manual 搞嘅，以後 Git 會自己自動處理。返轉頭，VS2015 right click 你個 solution，選 Git > Manage Remote：
俾個名佢，將喺 GitHub copy 嘅 link paste 喺 Url，然後 click Save changes：
最後就係 right Solution > Git > Commit：
VS2015 會彈出個畫面：
跟住指示做就 okay，佢會問你 GitHub 嘅 user name 同 password，問一次，佢會記低，以後唔使再問你。一次唔得就 Commit 多幾次，去 GitHub refresh 個 project，make sure upload 哂你隻 project，唔識用就去睇 Wiki，最起碼搞清 Commit 同 Commit & push 嘅分別。😜